منتديات زهور الشمال
نرحب بك اخي الزائر في منتديات زهور الشمال ونتمنى التسجيل فيه
منتديات زهور الشمال

نرحب بكم في زهور الشمال التي يشمل جميع االمجالاات
 
الرئيسيةالبوابة التسجيلدخول

شاطر | 
 

 صور وابيات شعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عطي الله



عدد المساهمات : 15
تاريخ التسجيل : 18/10/2010

مُساهمةموضوع: صور وابيات شعر   الثلاثاء أكتوبر 19, 2010 4:11 am

صوت الصورة


الطير صاد الخرب والريش منثور صوره جميله في خزامى أنشروها


صورة العدد السابق

إعداد -عطي الله
يا ما حلا المقناص وقت البرادي
في خايعن توه من الوسم ممطور
وجول الحباري منتشر بالحمادي
والحر الأشقر صادهن طلعة النور
محمد سويكت العنزي - تبوك

هاذي حلاة الطير وقت المقانيص
حراً تنومس من قنصبه فعوله
عن مخلبه ما للحباري مخاليص
خرب نثر ريشه وخرب يغوله
فهد بن عقيل الطويان - بريدة

الطير صاد الخرب والريش منثور
صورة جميلة في خزامى أنشورها
يا محرر الصفحه على الجهد مشكور
والشكر للشعار واللي قروها

محمد عفار المطيري - عنيزة

بعض الصقور إليا أنطلق صابه الخوف
يروح ويرجع ما تحصل نتيجه
والحر منها كنه البرق معروف
يبرد غليلك لا بدا في وهيجه
محمد بن عبدالعزيز الخنيفر - أشيقر

يوم شفت أنا صورة عدد قبل يومين
وسط الخزامى مصوره نالت إعجاب
طير وطار وكافخ بالجناحين
وطير هوى للأرض خاوي ومنصاب
سعود بن سعد الحافي - الرياض

الحباري منوة أحرار الصقور
ولا يحول البعد دون أهدافها
لا كفكف الجنحان ما يختل شور
يلطم ويعرض ما كأنه شافها
جابر أبو هيبة الودعاني - جازان
يا طير ياللي تنتف الريش نتفا
ما ترحم اللي مامعه عنك حيله
خل الطيور تعيش يا طير تكفا
شينتها من عقب كانت جميله
غرمان عبدالله البكري - خميس مشيط

الحر الأشقر أرتفع فوق الأنظار
وجاب الحباري وأرتوي من لحمها
يعجبك طيراً يسبق الريح لا طار
يحكم على الصيده ويكتم نسمها
خالد بن ناصر المخيمر - روضة سدير

يافرحة الصقار وياطيب فاله
لا شاف فعل الطير في صحيح البيد
لا من شهر لا من علا ثم جاله
قصاف عمر اللي شلع واللوابيد
فزاع بن عبدالله الشمري - حائل

مخالبك يا الحر عكف معاطيب
من شوفتك شغيت كبود مجاريح
قو العزوم الصايبة لازم تصيب
وراي الخطا يقفاهم وسواميح

سليمان الرفيق - الرياض

الحر الأشقر بهدته طيح الخرب
خلا شتات الريش له بعثريره
من يوم شافه أخلقه نية الدرب
من السماء للأرض حول مصيره
محمد مفرح مريبد العنزي - القريات

الله على حداً إذا هد صادي
الله على النادر عطيب المضاريب
حراً ينومس في نهار الهدادي
لي هد جاب الصيد غصب بلاطيب
سلطان بن حمد الحبابي - الطائف
حام طير الهداد وشاف بالجو صيده
فرع قرناس وأهو بنحدار
بالمخالب يخم الريش نثرن عديدة
جابها للأرض وأنحرف باستدار
حمد بن عبدالله الوايلي - حوطة سدير

حتى الطيور الطايره بينها صراع
مثل البشر فيهم صقور وحمايم
كم من صراعاً صار بأسباب الأطماع
وحروب ما بين انتصار وهزايم
زبن مقبل العنزي - بريدة

اللي نشوفه زيلة طيور والريش
مثل الحوايم بالسمابس من وين
يظهر على الأسر صواب وتخاميش
واللي على يمناه ما به تخامين
جسار مهدي السبيعي - الرياض

يا الربع مقناص ودي بمسراحه
أسرح بيومي وليلي أسري به
أشوف صقرن يلاطم طير بأجناحه
ريش الفريسه تبعثرها مخاليبه

صالح محمد الطهيفي

ما ينفع الحذر وحراسه
الحر باغتك بهجومي
الخرب جاكم على راسه
وصار الجسد بالهوا يومي
الرجوع الى أعلى الصفحة اذهب الى الأسفل
رهين الشوق
مستشار إداري
مستشار إداري


عدد المساهمات : 123
تاريخ التسجيل : 23/04/2010
الموقع : http://www.tnb.66ghz.com/vb

مُساهمةموضوع: رد: صور وابيات شعر   الأربعاء أكتوبر 20, 2010 10:07 am

سلمت يداك
الرجوع الى أعلى الصفحة اذهب الى الأسفل
http://www.tnb.66ghz.com/vb
 
صور وابيات شعر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زهور الشمال :: منتدى مقناص الشمال-
انتقل الى: